Gongidi Suntiha: మంత్రి కోమటిరెడ్డికి విలువలు లేవు‌... గొంగడి సునీత విసుర్లు

హైదరాబాద్: మంత్రి కోమటిరెడ్డి వెంకటరెడ్డికి విలువలు లేవని..‌. ఆయన నోటికి ఏది వస్తే అది మాట్లాడుతారని బీఆర్ఎస్ సీనియర్ నేత గొంగడి సునీత ఆరోపించారు. బీఆర్ఎస్‌ను ఖతం చేస్తామని.. మంత్రి కోమటిరెడ్డి కలలు కంటున్నారని విమర్శించారు. ఇవాళ(సోమవారం) తెలంగాణ భవన్‌లో గొంగడి సునీత మీడియా సమావేశం ఏర్పాటు చేశారు. ఈ సమావేశంలో కాంగ్రెస్ ప్రభుత్వం, మంత్రి కోమటిరెడ్డిపై తీవ్ర విమర్శలు గుప్పించారు.

ALSO READ: Beerla Ilaiah: హరీష్‌, కేటీఆర్‌లపై ప్రభుత్వ విప్ ఫైర్

కోమటిరెడ్డి లాంటి నేతలు ఎంతమంది వచ్చిన బీఆర్ఎస్ పార్టీని ఏం చేయలేరని అన్నారు. కోమటిరెడ్డి కుటుంబంలో గొడవలను ఆయన మొదటగా పరిష్కరించుకోవాలని హితవు పలికారు. అమెరికా వెళ్లి కేటీఆర్, హరీష్‌రావులు ఎస్‌ఐబీ మాజీ చీఫ్‌ ప్రభాకరరావుని కలిశారని కోమటిరెడ్డి మాట్లాడుతున్నారని చెప్పారు.

‘సీఎం రేవంత్ రెడ్డితో పాటు.. కోమటిరెడ్డి అమెరికా వెళ్లారని.. మీరు కూడా ప్రభాకరరావును కలిసినట్లేనా అని ప్రశ్నించారు. కోమటిరెడ్డి వెంకటరెడ్డి అంటే మాకు గౌరవముంది... ఆయన మాట్లాడే తీరు సరిగాలేదు’’ అని మండిపడ్డారు. గతంలో మునుగోడు ఉప ఎన్నికల్లో బీజేపీ అభ్యర్థి రాజగోపాలరెడ్డిని గెలిపించాలని ఫోన్ చేసి చెప్పిన ఘనత కోమటి రెడ్డిది అని గొంగడి సునీత విమర్శించారు.

ఈ వార్తలు కూడా చదవండి...

Harish: బీహార్‌‌లా తెలంగాణను మారుస్తున్నారు.. హరీష్ ఆగ్రహం

KTR: బీఆర్‌ఎస్ నేతల అరెస్ట్‌ను ఖండించిన కేటీఆర్

Beerla Ilaiah: హరీష్‌, కేటీఆర్‌లపై ప్రభుత్వ విప్ ఫైర్

Read latest Telangana News And Telugu News