Palla Rajeshwar Reddy: గతంలో కొడంగల్లో ఓడిపోతే రాజీనామా చేయలేదే... రేవంత్‌కు సూటి ప్రశ్న

హైదరాబాద్: ముఖ్యమంత్రి రేవంత్ రెడ్డి (CM Revanth Reddy), మంత్రులు రైతాంగాన్ని మాయా చేస్తున్నారని జనగామ ఎమ్మెల్యే పల్లా రాజేశ్వర్ రెడ్డి (MLA Palla Rajeshwar Reddy) ఆరోపించారు. సీఎం రేవంత్‌, మంత్రులు, కాంగ్రెస్ నేతలు గత కేసీఆర్ ప్రభుత్వం మీద రాళ్లు వేస్తున్నారని మండిపడ్డారు. ఒకే దఫా రెండు లక్షలు రుణమాఫీ చేస్తామని చెప్పారని అలా ఎందుకు చేయలేదని ప్రశ్నించారు. ఈరోజు( శుక్రవారం) తెలంగాణ భవన్‌లో ఎమ్మెల్యే పల్లా రాజేశ్వర్ రెడ్డి మీడియాతో మాట్లాడుతూ... 20శాతం మాత్రమే రుణమాఫీ చేశారని గుర్తుచేశారు.

ALSO Read: YS Sharmila: తెలంగాణ ప్రభుత్వంపై షర్మిల ప్రశంసలు

గోరంతచేసి కొండంతలు చెప్పుకుంటున్నారని విమర్శలు చేశారు. తాము రూ. 1లక్ష రుణమాఫీ చేస్తే రూ. 16వేల కొట్లు ఖర్చు అయిందని గుర్తుచేశారు. మరి మీకు రుణమాఫీకి రూ.6వేల కోట్లు మాత్రమే ఎలా ఖర్చు అయిందని నిలదీశారు. రేవంత్ ప్రభుత్వం నిబంధన పేరుతో రైతుల సంఖ్యను తగ్గించడం వల్లే రూ. 6వేల కోట్లు సరిపోయిందని చెప్పారు. రైతులు పాలాభిషేకాలకు ముందుకు రాకపోతే జిల్లా కలెక్టర్లే పాలు పోశారని అన్నారు. రుణమాఫీ అవ్వని రైతులు ఆందోళనలో ఉన్నారని చెప్పారు. రైతు భరోసా ఎగ్గొట్టి రుణమాఫీ చేశారని మండిపడ్డారు.

ALSO Read: Minister Ponguleti: కేసీఆర్ సర్కార్‌లో ఆర్థిక విధ్వంసం

రైతు భరోసా ఎందుకు ఇవ్వడం లేదని ప్రశ్నించారు. టాక్స్ పేయర్స్ డబ్బులతో రుణమాఫీ చేశామని రైతులను అవమానిచొద్దని అన్నారు. కాంగ్రెస్ రాగానే మళ్లీ రైతు ఆత్మహత్యలు పెరిగాయని తీవ్ర విమర్శలు చేశారు. ఆరు గ్యారంటీలు, 13 హామీలు అమలు చేస్తే మాజీ మంత్రి హరీష్ రావు రాజీనామా చేస్తా అన్నారని చెప్పారు. ఆగస్టు 15వ తేదీ వరకు ఇచ్చిన అన్ని హామీలు అమలు చేస్తే హరీష్ రాజీనామా చేస్తారని సవాల్ విసిరారు. గతంలో కొడంగల్లో ఓడిపోతే రాజీనామా చేస్తా అన్నారు? చేశారా? అని ప్రశ్నించారు. రాజీనామాలకు పారిపోయేది కాంగ్రెస్ పార్టీ నాయకులేనని ఎమ్మెల్యే పల్లా రాజేశ్వర్ రెడ్డి తెలిపారు.

ఈ వార్తలు కూడా చదవండి

Group-2 Exams: గ్రూపు-2 పరీక్షలు వాయిదా!?

Crop Loan Waiver: రైతులకు బిగ్ అలర్ట్.. ఈ తప్పు అస్సలు చేయకండి..

IMD: ఈ జిల్లాలకు రెడ్ అలర్ట్.. కమ్ముకొస్తున్న మబ్బులు

Raj Tarun-Malvi Malhotra: హీరో రాజ్ తరుణ్, మాల్వి మల్హోత్రా మెసేజ్ చాట్స్ లీక్.. లవ్ ప్రపోజ్ చేసిన..

Read More Telangana News and Telugu News