సంగారెడ్డిలో భక్తి శ్రద్ధలతో లక్ష దీపోత్సవం
ABN, Publish Date - Mar 20 , 2025 | 09:25 PM
సంగారెడ్డి జిల్లాలోని ఈశ్వరపురంలో దుర్గ భవాని మాత మహా క్షేత్రంలో గురువారం నాడు లక్ష దీపోత్సవ కార్యక్రమం వైభవంగా జరిగింది. భక్తులు ఈ కార్యక్రమంలో భారీగా పాల్గొని అమ్మవారికి ప్రత్యేక పూజలు చేశారు.
1/6
సంగారెడ్డి జిల్లాలోని ఈశ్వరపురంలో గురువారం నాడు లక్ష దీపోత్సవం కన్నుల పండువగా జరిగింది. దుర్గ భవాని మాత ఆలయాన్ని సుందరంగా దీపాలంకరణ చేశారు.
2/6
ఆలయం వద్ద దీపాలు వెలిగించడానికి నిర్వాహకులు అన్ని ఏర్పాట్లు చేశారు. మహిళా భక్తులు భారీగా తరలి వచ్చి దీపాలు వెలిగించారు.
3/6
కార్యక్రమాన్ని ప్రత్యేక పూజలతో ప్రారంభించారు. పట్టణంలో నుంచే కాకుండా చుట్టుపక్కల గ్రామాల నుంచి వేలాదిగా మహిళామణులు కార్యక్రమంలో పాల్గొని భక్తిశ్రద్ధలతో దీపాలను వెలిగించారు.
4/6
పోలీసులు బందోబస్తును పర్యవేక్షించారు. మహిళలు దీపాలు వెలిగించి భక్తిని చాటుకున్నారు.
5/6
ఈ కార్యక్రమానికి అశేష భక్తజనం తరలిరావడంతో క్షేత్ర వీధులు భక్తుల రద్ధీతో దర్శనమిచ్చాయి.
6/6
అమ్మవారి దర్శనం కోసం భక్తులు క్యూలైన్లలో బారులుదీరారు. ఈ సందర్భంగా ఆలయాన్ని ప్రత్యేక అలంకరణ చేశారు. ఇందులో భాగంగా వివిధ ఆకృతుల్లో రూపొందించిన దీపాలను వెలిగించి పూజలు నిర్వహించారు.
Updated at - Mar 20 , 2025 | 09:30 PM
