Cricket: క్రికెట్ హిస్టరీలో సంచలనం.. బాప్‌రే.. 1,082 మ్యాచ్‌లు, 5 లక్షల రన్స్.. ఎవరంటే..
ABN , Publish Date - Dec 07 , 2024 | 08:17 PM
Cricket: క్రికెట్ చరిత్రలోనే సంచలనం నమోదైంది. ఆ రికార్డు గురించి తెలిస్తే ఎవ్వరైనా బాప్‌రే అనాల్సిందే. అసలు ఎవ్వరికీ సాధ్యం కాని ఆ రికార్డు ఏంటి? అనేది ఇప్పుడు తెలుసుకుందాం..
క్రికెట్‌లో ఎన్నో రికార్డులు ఉన్నాయి. మైల్‌స్టోన్స్ అంటే ప్లేయర్లతో పాటు అభిమానుల్లో కూడా చాలా ఎగ్జయిట్‌మెంట్ ఉంటుంది. తమకు ఇష్టమైన జట్టు, అందులోని ఆటగాళ్లు సాధించే రికార్డుల గురించి తెలుసుకొని సంబురపడుతుంటారు ఫ్యాన్స్. అయితే జెంటిల్మన్‌ గేమ్‌లో ఈ మధ్య రికార్డులను బద్దలుకొట్టడం అనేది కామన్ అయిపోయింది. ఒకప్పటిలా కాకుండా ఆటలో వేగం పెరగడంతో పాత రికార్డులకు పాతర వేస్తున్నారు ప్లేయర్లు. ఈ క్రమంలోనే తాజాగా ఓ సెన్సేషనల్ రికార్డు నమోదైంది. క్రికెట్ చరిత్రలోనే అత్యంత సంచలనంగా మారిన ఈ రికార్డు ఏంటి? దాన్ని ఎవరు నమోదు చేశారనేది ఇప్పుడు చూద్దాం..
తొలి జట్టుగా..
క్రికెట్‌కు పుట్టినిల్లుగా చెప్పే ఇంగ్లండ్ టీమ్ ఓ అరుదైన ఘనతను తన అకౌంట్‌లో వేసుకుంది. 147 ఏళ్ల టెస్ట్ క్రికెట్ హిస్టరీలో 5 లక్షలకు పైగా రన్స్ చేసిన తొలి జట్టుగా ఇంగ్లీష్ టీమ్ అవతరించింది. ఆ టీమ్‌కు ఇది ఓవరాల్‌గా 1,082వ టెస్ట్ మ్యాచ్ కావడం గమనార్హం. పరుగుల జాబితాలో ఇంగ్లండ్ తర్వాతి స్థానంలో డేంజరస్ ఆస్ట్రేలియా ఉంది. ఆ జట్టు ఇప్పటివరకు లాంగ్ ఫార్మాట్‌లో 4,28,868 రన్స్ చేసింది. అదే టీమిండియా 2,78,751 పరుగులతో థర్డ్ పొజిషన్‌లో కంటిన్యూ అవుతోంది. కాగా, న్యూజిలాండ్‌తో రెండో టెస్ట్‌లో ఈ రేర్ ఫీట్‌ను అందుకున్న ఇంగ్లండ్.. మ్యాచ్‌పై పట్టు బిగించింది. ఆ టీమ్ లీడ్ 533 పరుగులకు చేరుకుంది.
Also Read:
ఆసీస్‌ను ఆపేందుకు పిచ్చోడ్ని దింపుతున్న రోహిత్.. ఆశలన్నీ అతడి పైనే..
నేను చెప్పిందొకటి.. సిరాజ్‌కు అర్థమైందొకటి: ట్రావిస్ హెడ్
జైస్వాల్‌పై గిల్ సీరియస్.. వినిపించడం లేదా అంటూ..
అంపైర్‌తో గొడవకు దిగిన కోహ్లీ.. ప్రూఫ్స్ చూపించి మరీ..
For More Sports And Telugu News
