యాదాద్రి భువనగిరి జిల్లా శాసనసభ నియోజకవర్గాల్లో ఆలేరు ఒకటి. ఈ నియోజకవర్గ పరిధిలో ఆలేరు, యాదగిరి గుట్ట, తుర్కపల్లి, రాజాపేట, గుండాల, బొమ్మలరామారం, ఆత్మకూరు (ఎం), మోటకొండూరు మండలాలు ఉన్నాయి. మొత్తం 1,91,113 మంది ఓటర్లు ఉండగా.. పురుషులు 97,176 మంది ఉండగా, మహిళా ఓటర్లు 93,922 మంది ఉన్నారు. ఈ నియోజకవర్గం నుంచి ప్రస్తుతం బీఆర్ఎస్ పార్టీకి చెందిన ఎమ్మెల్యే గొంగిడి సునీత ప్రాతినిథ్యం వహిస్తున్నారు. 2009 ఎన్నికలు.. 2009లో జరిగిన శాసనసభ ఎన్నికల్లో కాంగ్రెస్ పార్టీ అభ్యర్థి బూడిద భిక్షమయ్య గౌడ్.. తన సమీప ప్రత్యర్థి కె.యాదగిరిరెడ్డి (బీఆర్ఎస్) పై 12,902 ఓట్ల మెజారిటీతో గెలుపొందారు. ఈ ఎన్నికల్లో భిక్షమయ్యకు 66,905 ఓట్లు రాగా.. యాదగిరిరెడ్డికి 54,003 ఓట్లు వచ్చాయి. 2014 ఎన్నికలు.. 2014లో జరిగిన ఎన్నికల్లో బీఆర్ఎస్ పార్టీకి చెందిన గొంగిడి సునీతా రెడ్డి.. తన సమీప ప్రత్యర్థి బూడిద భిక్షమయ్య గౌడ్ (కాంగ్రెస్) పై 31,477 ఓట్ల మెజారిటీతో గెలుపొందారు. ఈ ఎన్నికల్లో సునీతా రెడ్డికి 91,737 ఓట్లు రాగా, భిక్షమయ్య గౌడ్‌కు 60,260 ఓట్లు వచ్చాయి. 2018 ఎన్నికలు 2018లో జరిగిన శాసనసభ ఎన్నికల్లో బీఆర్ఎస్ పార్టీకి చెందిన గొంగిడి సునీతా రెడ్డి.. తన సమీప ప్రత్యర్థి బూడిద భిక్షమయ్య గౌడ్ (కాంగ్రెస్) పై 33,086 ఓట్ల మెజారిటీతో గెలుపొందారు. ఈ ఎన్నికల్లో సునీతా రెడ్డికి 94,870 ఓట్లు రాగా.. భిక్షమయ్యకు 61,784 ఓట్లు వచ్చాయి.