యాదాద్రి భువనగిరి జిల్లాలోని రెండు నియోజకవర్గాల్లో భువనగిరి ఒకటి. ఈ నియోజకవర్గంలో భువనగిరి, వలిగొండ, బీబీనగర్, భూదాన్ పోచంపల్లి మండలాలు ఉన్నాయి. ఈ నియోజకవర్గంలో 1,72,799 మంది ఓటర్లు ఉన్నారు. వీరిలో పురుషులు 87,830 మంది ఉండగా.. మహిళా ఓటర్లు 84,969 మంది ఉన్నారు. టీడీపీకి 30 ఏళ్లుగా కంచుకోటగా ఉన్న భువనగిరిలో 2014 ఎన్నికల్లో పరిస్థితి మారిపోయింది. బీఆర్ఎస్ తరపున పైళ్ల శేఖర్‌ రెడ్డి 2014లో తొలిసారి గెలిచారు. 2018లోనూ ఆయనే రెండోసారి కాంగ్రెస్ అభ్యర్థి కుంబం అనిల్‌ కుమార్‌ రెడ్డిపై విజయం సాధించారు. 2009 ఎన్నికలు.. 2009లో జరిగిన శాసనసభ ఎన్నికల్లో టీడీపీ అభ్యర్థి ఉమా మాధవరెడ్డి.. తన సమీప ప్రత్యర్థి జి.బాలకృష్ణారెడ్డి (ఇండిపెండెంట్) పై 9,353 ఓట్ల మెజారిటీతో గెలుపొందారు. ఈ ఎన్నికల్లో మాధవరెడ్డికి 53,073 ఓట్లు రాగా.. బాలకృష్ణారెడ్డికి 43,720 ఓట్లు వచ్చాయి. 2014 ఎన్నికలు.. 2014లో జరిగిన ఎన్నికల్లో బీఆర్ఎస్ పార్టీ అభ్యర్థి పైళ్ల శేఖర్ రెడ్డి.. తన సమీప ప్రత్యర్థి జి.బాలకృష్ణారెడ్డి (ఇండిపెండెంట్) పై 15,416 ఓట్ల మెజారిటీతో గెలుపొందారు. ఈ ఎన్నికల్లో శేఖర్ రెడ్డికి 54,686 ఓట్లు రాగా.. బాలకృష్ణారెడ్డికి 39,270 ఓట్లు వచ్చాయి. 2018 ఎన్నికలు.. 2018లో జరిగిన శాసనసభ ఎన్నికల్లో బీఆర్ఎస్ పార్టీ అభ్యర్థి పైళ్ల శేఖర్ రెడ్డి.. తన సమీప ప్రత్యర్థి కుంబం అనిల్ కుమార్ రెడ్డి (కాంగ్రెస్) పై 24,063 ఓట్ల మెజారిటీతో గెలుపొందారు. ఈ ఎన్నికల్లో శేఖర్ రెడ్డికి 85,476 ఓట్లు రాగా.. అనిల్ కుమార్ రెడ్డికి 61,413 ఓట్లు వచ్చాయి.